[الذيب الذيب]

السلام عليكم ورحمة الله وبركاته وبعد
تحية لجميع القائمين على هذا المنتدى الشعلة وكذلك تيحيةلجميع الأعضاء اللذين يتزين فيهم المنتدى كما تتزين السماء بالنجوم وأنا من أشد المعجبين بهذا المنتدى اللذي ينبض بالحياة والحيوية ويشرفني أن أكون أحد أعضاءة وأقدم لكم هذه القصيدة راجياً أن تحوز على رضاكم واستحسانكم.

يانفس ياللي للمعاصي ترومين=راح العمر وش عاد عذرٍ(ن) نبدّيه
نطرد ورا الدنيا نبي زود تمكين=والأجل محدودٍ(ن) لنا ما نعدّيه
نفرح بها تمشي مثل رمشة العين=والعمر يفنا بين يومٍ(ن) وماضيه
والرابح اللي دلّ درب الميامين=دربٍ(ن) عدالٍ(ن) بيّنٍ(ن) في مواريه
والحق واضح والبشر عنه دارين=لاكنهم ياقلهم في مماشيه
مغويهم الشيطان عنده مساجين=سيفه يسلّه في وجيه المسافيه
حالٍ(ن) عجيبة والزمن به مطامين=يعصون ربّ الكون زاد إبتعاليه
ياغافلٍ(ن) تمشي بليّا براهين=خذ الحذر بعد النذر لا تخليه
الموت ما خلاّ كبار السلاطين=واهل الذهب اللي يضيق الفضا فيه