[محمد بن عمار]

السلام عليكم ...

[moveo=up]يالله إنك تلعـن إبليـس يفـرح بالخـراب
............... بعثرت عقلي بـراسي وساويـس اللعين
قلت وأنـا استغفـرالله ؟ منتي من تـراب
..................... أنتي حور ٍعين ! و إلاملا ك ٍ ترتعين [/moveo]

مثل ماهي بين ايديكم ..

تـلـعـــات الـرقـــاب

أشتـكي لله مـن جور . مابي من صواب = ساهر ٍالليل وكـل الخلا يـق . هاجعـيـن
ماذبحني كـود من فرّعـت لي عنـد بـاب = عنق ريم ٍعـقـلها ما استوى توّه رعين
من صباح الله وأنا للعمل أنوي الذهاب = توهـتني .عقـب ماسلهمت فيـني بعـيـن
تشّر بكف ٍ زها براحتـه لـون الخضاب = والثنايـا بين حمـرالشفـايـف . ساطعيـن
مستدير ٍ الخصر كنها عشـراء الركـاب = شفتها وإنشّـل فكري عـسى ربي يعـيـن
الردايـف لامشـت خلفهـا تطـوي الثياب = وبيضتيـن بلبة الصـدر. توهـن طالعيـن
قدّها الميّاس ممشوق والمشي بحساب = والشعرقرنه على متنها عرض إصبعين
مثل غصن ٍ يانع ٍ الثمر.. بأعلاه طاب = عاذها الله من عيون الحسـد والطامعين
يالله إنك تلعـن إبليـس يفـرح بالخـراب = بعثرت عقلي بـراسي وساويـس اللعين
قلت وأنـا استغفـرالله ؟ منتي من تـراب = أنتي حور ٍعين ! و إلاملا ك ٍ ترتعين
آآآه ياقـلـب العـنا ليمتى تـطـرد سـراب = في طريق ٍ العشاشيق وسطه ضايعين
يـاعيوني لا تـراعيـن . تلعـات الـرقـاب = كلما شفتي الغنـاديـر.. قمتي تـدمعـيـن
شيّبن . بي في هواهن وأنا توي شباب = ليمتى من شوفهـن ترتضـين وتقنعـيـن
عند ربي . جنه ونار . ورحمة وعـذاب = نسأله عـفوه . لنا . والخلايق أجمعـين

محمد بن عما ر