[الطامي]

المشاركة الأصلية كتبت بواسطة ناصر عبيد الهواوي

اخلاقنا ضايقة ونفوسنا متغيرة ليه=لو قلت لخوك زح شوي حمر فيك عينه
وانا هالايام لي مشروع اصنع تاج ابا اهديه=واشري له الؤلؤ الأصلي لو اقيامه ثمينة
وتعبت انسق خرز هالتاج وارتب لآليه=وقضيت من صنعته قبل امس مير الرأس وينه
اللي شعار الفخر يليق به من زين طاريه=كرم وعزة مع امروة مع اخلاق ٍ تزينه
ويستاهله من يبر بوالديه ويحترم منهم حواليه=والجار عنده رفيع القدر متمسك بدينه
ورجال بيته مضيف وكل من مره يناديه=يفرح الى شاف وجه الضيف ما قطب جبينه
ورجل ٍ جنابه ذرا لا جاه مضهود التجا فيه=يعطي عطا ما يحسب لو نفد ما في يمينه
ورجل ٍ الى عض ناب الدهر بالصاحب يواسيه=لو راتبه ما يسده يقسمه بينه وبينه
وال صاحب الجاه جاهه باذله للي طمع فيه=يركظ مع اللي يجونه دون فرق الله يعينه
اعني ما أقوله وأعرف اللي قصدته في معانيه=والرجل لا اختلفت افعاله عن اقواله تشينه
ولا كنت اخص الرجال ونصفناالآخر امخليه=تستاهله كل حرة عاقلة عفة رزينة
فطين كل الكلام اللي معسل ما تراعيه=مصيونة ٍ ماذكر عنها ولا كلمة مشينة
واخت ٍ شريفة تقدر زوجها دايم وتغليه=ينسى التعب و الشقا من حلو منطقها ولينه

الهواوي
صح السانك ملايين
اتدري ان بهذه الباسقة الشامخه قد اغرقرت العيون بالدموع ؟؟؟؟؟؟؟؟؟ لما ذلك ؟؟؟؟
لأنها تشاطر مايدور بضميري من هموم وخواطر
لله درك يامبدع
وزدنا بمثلها زادك الله ياماناًً وثقة به
لاهنت عيني