الله معك يا أغلى بشـر أحتوانـي
بضغط على قلبي وأبصبر اذا رحت
يبقى مكانك في الضلوع المحانـي
ذكراك منحوته على خافقي نحـت
لو إني أنسى كـل واحـد نسانـي
ماكان ليلي يعرف الصوت لا نحت
أصعب شعور تموت حلو الأمانـي
بيدين من يعرف غرامك وله بحـت
روح وتأكد رغم ما منـك جانـي
أبذكرك بالخير لأمسيت واصبحـت
ما أنسى زمانك لكن أذكر زمانـي
اذا خذاك الشوق يمـي وسرحـت
حفظت قلبـك يـوم قلبـك مكانـي
أبيه فوق بكل حاجه ماهـو تحـت
والله أحبك لكـن أرحـل عشانـي
شينه أشوفك من عيوني اليا طحت
صح لسانك ولاهنت
بوح جميل وابيات رائعة
سلمت ودمت بخير