في ليله جالس لوحدي ،، واناظر بالسما نجمات"="وكانت بينها نجمه تجدد ماضي اعوامي
نظرت الجرح في النجمه وسمعت لنجمتي آهات"="وكان الجرح في النجمه عميق وجرحها دامي
راماها الكون باطرافه وحيده ساكنه ظلمات"="يريد الكون يطفيها ظلامه فوقها طامي
فهضت القاف متولع ونثرت من الشعر عبرات"="ورفعت الصوت بآهآت(ن) مخاطب نجمة احلامي
وقلت ايش الذي يحزنك وهذا الكون لك نزهات"="اذا ضاقت بك اطرافه طلعتي منزل (ن) سامي
وقالت شائت اقداري تخيم بي في العتمات"="وحيده ما لقيت اللي يكسر قيد باقدامي
قلت مابال من مثلي حياته كلها حسرات"="سكن بالارض محكوم (ن) عليه بحكم لعدامي
حزين الارض ضاقت به حسير(ن) يفقد الخطوات"="ولا هو نجمة(ن) في الكون ولا طير(ن) بها حامي
دخيلك كافي يا نجمه انا اللي ماسك الجمرات"="وانا اللي جنبي انهار(ن) وماسك جمري وضامي
وفجأه صارت نجوم الفضا ياناس كالشمعات"="ظهر من نجمتي نور(ن) ينير الكون باحكامي
وصارت تقترب مني واناظر بالخطا عثرات"="رفعت يدي ابا امسكها ولكن عجزت عظامي
فجت هي ومسكت يدي واحيت بي عصب قد مات"="وقفت بفضلها صابر على الاقدار عزامي
ونظرت برجلها قيد(ن) عليها سائر اللفات"="ضربته ضربة(ن) بيدي وجعلته كله حطامي
وسهرت اداوي جروح(ن) بها وهي تمسح الدمعات"="ومنها دمعي يوقف ومني جرحها التامي
وتعاهدنا بليلتنا كلانا يدفن اللي فات "="وتوادعنا بليلتنا وكانت احلى ايامي