السلام عليكم ورحمة الله وبركاته
أضعها بين أيديكم لعلها تنال القليل من إعجابكم
ياناعم الكفٌين .. ياليٌن العود=يازاهي الخدين .. ياميٌس القٌد
يلي رميت القلب بعيونك السود=بعد الغلا .. جازيت مغليك با الصٌد
حَتّام باب الود يازين مردود=في وجه من قلبه لكم يحمل الوٌد
حيل الغلا وياك مهدود .. مهدود=أهلكتني يامالك الحسن من جٌد
ألمح طريق الوصل .. واضح ومشدود=واليا نويت أسلك دروبه تعقٌد
راح العمر وانا على الوُصل موعود=أرسل طيور الحب .. وتأمل الرٌد
إن كان ماعاد الغلا فيك موجود=ياكيف تشقي من خفوقه توقٌد
ساهر على ذكراك والعالم رقود=والدمع يشكي لوعة البعد للخٌد
يا الله عسى تشتاق يازين وتعود=وتشوف حال اللي عليكم توجٌد
وسلامتكم ، والعذر على القصور
وُدي