اقتباس:
المشاركة الأصلية كتبت بواسطة عادل العتيبي
أليكم الجديد المتواضع ..
على سبيل أهل المثل والعالم اللي يفهمون=الكلمة اللي تستحي منها تعال وبدّها
يللي تمون أسمع ترى ماعاد هي لحية تمون=هي كلمةٍ في خاطري عيّا الزمان يردّها
وأن قلت لي ياويش فرق أهل الشوارب والدقون=اللي مشا في سدّها واللي قعد في سدّها
أقول لك ياصاحبي بعض العرب مايستحون=ولو مد يمناه الشحيحه للرجال وشدّها
واللي شروا بعض الاوادم بالقصايد واللحون=ياربي انك لا تحييها وبيّح سدّها
ماباقي إلا قفلتين وياكلون المقرفون=وأما غرق في جزرها وإلا غرق في مدّها
واللي ملوا منه الصواني وأمتلت منه البطون=ماهوب شرع المسلمين ولا يناسب ودّها
واللي تجوّد في حلاله باليدين وبالسنون=ماباع لو قلت البضاعه يالسنافي حدّها
وأنا أمتقفيلي ذلول(ن) ماتدك إلا الحصون=عشان يعرف قدّها ويبين منهو قدّها
اسوقها وأدحم واداحم بالمناكب والمتون=وأليا أنتحت عن دربها بالخيزران ألدّها
وإلا أنت خلّك يالحنون أتبات في حض الحنون=وإليا بكت بنت الحلال أقرب ومسّح خدّها
|
الاخ الفاضل / عادل العتيبي
صح لسانك لاهنت
نص شعري غاية فالجمال والابداع
من شاعر متمكن
لله درك
تسلم ويسلم فكرك يالغالي
تحياتي
أخــــــــوك
س / ص