[ناصر عبيد الهواوي]

عن عاذلي باب الاذناحكمت مزلاجه=عواذلي لاتجي يمي ولا اجيها
النفس بالناس يا ابني مالها حاجة=قنعت نفسي تحاجيني واحاجيها
اشوفها عن كثير الناس منعاجه=وش حدني للطريق الضيق الجيها
هم بقلبي الى قلت انبسط ساجه=سوج الشراري ركاب قام يزجيها
راعي ذلول عليها خرج وحداجه=يرجي من الله من الوديان ينجبها
من صاحب مقتلي في مقرن احجاجه=مع وجنة نصفها رمشه مسجيها
ماطاع بي يالتميمي كل هراجه = وبعد انتحى صرت لاميس ولا ارجيهاي
مضى زمن ما بعث يمي ولا واجه=واخاف لو زرت في هالوقت افاجيها
اجيب له مشكلة وازيد باحراجه=ويمكن دله خاطره وارجع واشجيها
ومن ذا لذا داخ راسي وادلج ادلاجة=اجلس لحالي واكلمها واناجيها
واعاوي الذيب وانهج مثل منهاجه=وارقى الضلاعين وابكي في محاجيها