[مبروك بن ماضي]

درست الحب وتأكدت إنْ حبي وحبـك غيـر =وإني كنت لك صادق وانك كنـت تخدعنـي
تظاهر بالمحبة لي وتمشي لي بعكس السيـر =ولا طبعٍ من أطباعي وجدته فيـك يجمعنـي
أنا لي قلبٍٍ أبيض من خلاله يسهـل التأثيـر =وإحساسي بحب النـاس للتصديـق يدفعنـي
وانت للأسف قد حزت كل النقص والتقصيـر =عن الاحباب تتحدث ولا تـدري بمـا تعنـي
أنا حُبي حقيقي لك وعنـّه يعجـز التعبيـر =ولكن للأسف لما اشتريتـك كنـت بايعنـي
حسافه حبنا يصبح ريا خدعـه أمـام الغيـر =وعن قول الحقيقه ماأجد لي عـذر يمنعنـي
أنا يشهد علي ربي باني لـك أحـب الخيـر =ولكن أنت بشـرورك وغـدرك دوم تتبعنـي
غريب أطوار وطباعك عجزت ألقى لها تفسير =فلا انت الجاد في وصلك ولا انت اللي مقاطعني
سقط قدرك من عْيوني وعفتك دون أي تفكير =تجيني تعتـذر هيهـات إنْ العـذر يقنعنـي
أنا من يستغل طيبي أظنـه يخطـي التقديـر =ومادام الخطأ منّـك تحمـل غلطتـك دعنـي