[محمد الأحمري]

المشاركة الأصلية كتبت بواسطة هاجس نجد

ذكــــريـــاتــي القـــديـمـــه

الطبع فيني ذكرياتي القديمـه = ماتمّحي لومـرت شهــور وأعـوام
مدامها حلوة فهي ذات قيمـه = تبقى عزيزة بظامري طـول الأيام
إلا إذا هـي ذكـريــات أليمــه = لا والله أنسـاهــا ولا أعيـش بآلام
أنتـي بقلبي ذكـريـاتك مقيمـه = يكبـر غـلاهـا كــل عـام ورى عام
وأنا اعترافي لك بحبي جريمـه = مـدري وش الأيـام تخفيـه قـدام
القلـب طـيّـب والنـوايا سليمـه = والحب يحكم صاحبه حكم الإعـدام
لكن ترى نحتاج صبروعزيمـه = عسى يتحقـق ما رسمناه بأحلام
الحـب قـوة يا حيـاتي عظـيمـه = أقـوى علاقة من تـواصل بالأرحام
ما اعلّمك بعلوم وأنتي عليمـه = هــذي قوانين العرب من بعـد سام
أنا غـريم الحـب وأنتي غـريمه = الكــل منّـا في سمـا العشق حوّام
عشق بشرف مافيه نيه ذميمه = مانقـرب دروب الخطيه والإجرام
نرسم هدف يحفظ علاقـه يتيمه = محرومه من العطف في دارالأيتام

سعــد عبـد الله العبيــد
هاجس }{s}{نجــــد
الجمعة 4/10/1429هـ

الله الله الله
هنا أبدااااااااااااااااااااااع

احترت ماذا اقتبس من بيت
فوجدت الكل يستحق الأقتباس
لله درك
أستاذنا وشاعرنا القدير
هاجس نجد
أسم على مسمى
تحت هذا الأسم نقرأ الإبداع
وتحت هذا الأسم نقرأ الأحزان
دمت كما أنت استاذي الفاضل
وفقك الله ورعاك
لو أرد سأقصر
ولكن أكتفي بإعجابي
بيض الله وجهك
يا عزيز الهامه
يامروض الحروف
لاهنت