طفولة
باقي الأمل لو مات معظم كياني=لوضيّعت ريح الزمن مارسمناه
ياما بنينا في الصغر من أماني=ليه انهدم ركن البناء اللي بنيناه
اتذكري ماقد مضى من زماني=وش ماوقع بيديننا قد قسمناه
طهر القلوب الباعثة باالتهاني =وماقد صلح نسعد اذا قد خربناه
والعابنا تضوي علينا المكاني=وفيها انتهادى وينهدى ماهديناه
تذكري لعبك معا شخص ثاني=كيف الزعل يحضر ولاقدبغيناه
وأمك تشكى من عنادك تعاني=تصرخ تنادي واللعب ماخلصناه
ويوم آتظاهر قوتي ياجناني=من يوم اشوفك فارس السيف يمناه
وصراع طفل(ن) واتحدى وآعاني =مظروب مره وظارب الي قويناه
وصير عنتر من بغاني لقاني =صدق العجايب في الصغر لو ذكرناه
العيد لاقرب نقول الأغاني=وصحاب نظهر ماجمعنا وكلناه
اتذكري وقت(ن )مضى من زماني=وعيدي أمل مابيننا قد بذرناه
اصحب يمينك في يميني/ حناني=مثل الطفوله ومامضاء قد فعلناه