[عبدالله الشويمان]

المشاركة الأصلية كتبت بواسطة صوت الإحساس

لكم قبلها حبيي وفائق تقديري

في رسالة وسايط كان عيدي وعيده = ولو على شوق قلبي ليلة العيد ضمّه
مير خلي مفارق والمسافه بعيده = والخُطا لو تودّي كان وجّهت يمّه
فرّقتنا الليالي والظروف العنديده = وشتّت الوقت شمل(ن) صادق الحب لمّه
قال عيدك مبارك جعل ربي يعيده = مادرى انّي بدونه قلب والحزن زمّه
مادرى انّي بكيته شيخ حرفي وسيده = لو درى كان دمعه بلّل أطراف كمّه
ياعسى كل لحظه في حياته سعيده = ويا عسى الموت ياخذ كل نفس(ن) تذمّه
كيف بفرح بدونه والمشاعر بليده= وكيف ترتاح روح(ن) ماقوت حمل همّه
والله انه بقلبي ما يفارق وريده = وان طاري غيابه علّ حالي وسمّه
ذي مشاعر خفوقي صوّرتها قصيده = صاغها لجل عينه حرف والحبر دمّه

يا مال العافيه على هذه القصيده الذهبيه..

صح السانك يا ابو سجى..

انا اعتبر هذه القصيده من احلى ما قرأت من مشاعر صادقه.

لأني اعرف انها خرجت من احساس يعاني الفراق الواقعي لا الخيال.

صح السانك ملايين..

وعيدك مبارك وكل عام وانت بخير يا الغالي