بسم الله الرحمن الرحيم
مجاره كيبورديه بعنوان
( أسبوع مر )
الشوق بان وصاحبك مابعد بان = ياليت لو نعرف سبايب غيابه
أن كان روح منك مقفي وزعلان = ليه الزعل وشلون يكشر بنابه
مايزعل الي فيك يابنت هيمان = إلا أذا زدتي عليه بعتابه
روحي وقولي له ترى كان ماكان = واليوم جيتك فاتح القلب بابه
أن كان باقي يرتجي منك ضميان = أنا أشهد أنه مايطول جوابه
وأن كان قفى صار يهتف برويان = أنصحك ثم أنصحك تطوي كتابه
صحيح حنا في هواء الحب عميان = وصحيح مانهنى سوى في عذابه
ونمشي معه دايم ولو كان بركان = واذا لفانا لفح قلنا صبابه
الحب زين ولو لفا منه ماشان = ونقول ياهو زين لو هو غرابه
لكن أبسئل صاحبك مابعد بان = قولي لنا وشهي سبايب غيابه
أسبوع مر وقلبك اليوم حيران = يالله عسى يرجع وتنسي ذهابه