حضور خجول
أتمنى تمريرها
عديت رجـمٍ نايـفٍ فـوق قـاره=رجمٍ يشوق اليـا تعليـت عاليـه
عديـت بـه الصبـح أول نهـاره=وجلست حتى الليل بانت مواريـه
عزاه من قلبٍ لـه المـوت زاره=قامت صناديق الضمايـر تعزيـه
علـى حبيـبٍ مبعـد اليـوم داره=وين الحبيب وين حروت حراويـه
سالم نخيتك وانت ساس الأمـاره=بك يرتكز طيب العرب مع مباديه
من لابتٍ بين العرب لـه وقـاره=لو قلت ابا امدح قالوا الناس يرجيه
ويلان مكتوب الفزع بـه نمـاره=مابي فزع مالٍ ابي حضرتك إيـه
ابيك تفزع فزعتـك بـه جسـاره=يافزعت المقهور 00 ناسٍ تناحيـه
سالم 00 انا عيني تزايـد عبـاره=والراس مني ضايعـاتٍ هقاويـه
والقلـب مماصـار تشتـب نـاره=يفز وان جاني على البال طاريـه
سالـم اعرفـك فاهـمٍ للإشـاره=جيتـك بقلـبٍ زايـداتٍ بلاويـه
مع كل حرفٍ أكتبـه لـي منـاره=حرفي رقى لسهيل وزانت غناويـه
وأنا أنتظـر وأنطـر بقايـا نهـاره=عسى علي وبلك يبـل المشاريـه