اقتباس:
المشاركة الأصلية كتبت بواسطة فواز الغسلان
ياراكب اللي جميل النـقـش بـجـنـوطه=تـحـت الـذي ماشكى الـديان واقساطه
جيبن يـجيبه هدير الـموج لشـطـوطه=لاجل الذي حـط كـاش الجيب بانواطه
يـدفـع لــراع الــوكــالـه كـل مربـوطـه=والـعـفـن لاشـاف طـول الـرقـم ماهـاطه
ماقام يـلـفـظ سلـوك الـسـير وبـلـوطه=ولا راغ عـن عـالـي الـمـطــلـع لـمـهـبـاطـه
ولا قـيل زيـتـه ظـهـر بالـقـاع نـاقوطه=وان زاد شـوط الــمـواتـر زاد بـاشـواطه
وزنـيــتــه داخـل الـيــابــان مـضـبـوطـه=وجاهز لثور(ن)يـهـيـن الـجـيـب بغلاطه
من مصنعن دوكـر الـجـنـبـين بخـطوطه=تـصـمـيـم نـاسن عـن الـمنـقـود مـحـتـاطه
معنا الدفاتر بوسط الدرج مـصـفـوطـه=عن حـوسة الـبال بالـتــفـتـيـش وانــقـاطه
لا زدت له من وقـود الـنـار وضـغـوطه=اسرع من اللـي تـذب قـفـوش مـخـباطه
يطوي سهالن على الـحـدين مـمـغـوطـه=بكفوف ناسن لـفـعـل الـطيب مشتاطه
طوي العذارى جديد الثوب بالـفـوطـه=ولا فـوقـه الا دلال الـكـيـف وبـسـاطه
يقطع فلوق الـطـعـوس الـحـمر وقطوطه=والبرد يـسـمـر عـظـام الـنـاس بـشـباطه
يشدى لـطـيـرن عليه العين مـحـطـوطـه=بكـفــوف شـيـخـن عـزيـزن بان مـقـلاطه
يـتـلـي مواقع بروق الـوسـم وشـخـوطـه=ويقـضـي ليال الشتاوي تحت فـسـطـاطه
جول الحباري يذوق الويل من سوطه=وعـيـونـه اللـي تـشـادي شـكـل مـزقـاطـه
مانام عند الـدجـاج الـبـرق فـي حـوطه=وراعـيـه يـمـدح هـداد الـطـيـر بـخراطه
لو شــح صـيـد الـخـلا ماجــاه بـقـنـوطـه=او صاب راعـيـه عـقـب الصيد باحباطه
لا حاف روضن يصيب الخرب خابوطه=من صفق كف(ن)لجوف الخرب شعاطه
تلقى الـثنادي بوسط الروض مـقـروطـه=وصـارت مع الريـش كـنـه وسط خـلاطه
او كن الاقـفــاش بالـشـرشــور مـفـروطه=من واحـدن بالـمـعـادي يـنـثـر امـشـاطه
يـاصـل ديـارن عـلـيـهـا الـروح ملـعـوطـه=فـيـهـا عـشـيـرن قــدح بـالـجوف شخاطه
من يوم قامت لـشـوفـي تـشرط شروطه=وتـشـفـط خـفـوقن شكى البلوى بشـفاطه
قلت الاطـبـاء تـفـيـد الـجـرح بـخـيـوطـه=ومن يـفـحـص الـجـرح خـلاني ولا خاطه
باسبـاب ريـمـن بـكـل الـزيـن مـخـلـوطه=حــازت وصــوف الـحـلا وزنـه وقـيـراطـه
جــدايـلـه فـي عـطـور الورد مـمـشـوطه=تـشـبـه عـــــذارى ديـار الــروم وانـبــاطـه
وصـايــف الــزيــن بالـمـحـبـوب ملـقــوطـه=تـامـر وتـمـشـي عـســـاكــرهـا وضـبــاطـه
كـنـه عـلـى الـجـرح والـتـعـذيب مبسوطه=والـجوف يشكـي غـثــاه وشـيـن مسواطه
ومدام سلك الـغــلا يـضـرب لـنـا شـوطـه=ويكوي عروق الـحشى الضايع بـمـلـقـاطه
وش مقعدي دام صول اللعب مقـشـوطه=والـقـلــب خـسـران مـهـمــا زادت ابـناطه
|
شاعرنا الكبير
مررت من هنا وسجلت اعجابي بك وبقافك
لاحلامنا الله عطاك
الشمري