[صوت الإحساس]

المشاركة الأصلية كتبت بواسطة عماد الشريف

بسم الله الرحمن الرحيم
اخواني واخواتي فطاحلة هذا المنتدى الرائع
السلام عليكم ورحمة الله وبركاته وبعد
اولا : اقدم لكم اعتذاري الشديد عن غيابي وذلك لظروف العمل والخارجة عن إرادتي
ثانيا : تقبلوا هذه المصافحة والتي اتمنى ان ترقى لذوائقكم الراقية وتنال استحسانكم

الشعر فيض من الخواطر والهجوس = وقصيدتي غيض المشاعر جابها
ما قلتها لجل الهنوف العيطموس = اللي قبل مدة كتبت كتابها
كتبتها من غيض فالصدر محبوس = من حاجة ما كنت أحسب حسابها
الله ولا خوة ضعيفين النفوس = لعل راع الطيب ما يبلى بها
شجرة ودب فجذعها المنخور سوس = والعاقل من الناس ما يشقى بها
لا تخدعك بعض المظاهر واللبوس = ما غشنا فالناس غير ثيابها
تعبت أجامل فالرخوم وفالطفوس = وأقدر لحاها عشان أشنابها
بعض الخلايق ما تحب تكون روس = ترضى تعيش مع العباد أذنابها
ما كل براق تقفاه العسوس = بعض المخايل ما تسيل شعابها
ما أصاحب أصحابي علشان الفلوس = صحبه مثل هذي مقفل بابها
وأعاتب أصحابي على بعض الحسوس = وأقبل من رجال السلوم عتابها
ولولا مواقيف النهار اللي عبوس = وش قيمة الأصحاب عند أصحابها
ومن لا استفاد من التجارب والدروس = يقعد تحت ضرس الليال ونابها

أولا مرحبا بك مليار وبهكذا عوده


الله درك وصح صح صح لسانك لين ترضي


درر من الالماس نثرتها هنا وهناك ولم تبخل بشيء

والله اصابتني الدهش ولن تزول ما بقيت هذه الفاتنه



لك الورد والود


ولحضورك الشامخ

من الاحترام عقد