[صنداح الزلامى]

المشاركة الأصلية كتبت بواسطة فواز قعيد العتيبي

اسعد الله أوقاتكم بكل خير هذي قصيدة أنقلها لكم تفسر بما فيها وتمنى تنال رضاكم

سلام ياللي تنتظر للاجابه=غلاك عندي من غلا الجسم و الروح
الحر حر ولو تزايد عذابه=ما يشتكي من جور الايام ويبوح
كانه عشان الصيد يشكي الإصابه=مخلابه اللي دايم يصيد مجروح
لو صابني وقتي ومكّن صوابه=فالصح صح وكل غلطان منصوح
الحر حر والذيابه ذيابه= من يجهله يصبح مع الدرب مفضوح
ماهوب انا اللي عشت في وسط غابه=عن زلة الاصحاب ياذيب مسموح
واللي رقا باالطيب فوق السحابه= ذكره فخر يبقى مع الناس ويلوح
قولك مع فعلك ليا من تشابه = مالك ومال اللي يشكك لمصلوح
دايم مع اهل الجود تلقى الرحابه= أهلا هلا ودلالهم دايم تفوح
حيّاك باللي جابه الطيب جابه= اقلط تفضل دونك الباب مفتوح

	الاخ فواز لا تعلبق بأ كثر من صح الله لسانك وبيض الله وجهك قصيدة جزلة من شاعر جزل ..تحياتي لك فواز