اقتباس:
المشاركة الأصلية كتبت بواسطة فلاح بن منشار
يامارج الحب من يطْفْي لواهيبك= كل المشاعر شكت من جمر كياتك
يطول صبري وحظي عََجْز ياتي بك = ياصيد مجفول شاقتني مناجاتك
سبحان من صورك ثم ابتلاني بك = واصبحت مشتاق مغرم في تحياتك
دوم انتظر والسعاده في مكاتيبك=وان غبت عني قريت الحب بابياتك
طاوعت عذالنا واخلفت اساليبك = تغيّر الي مضى من صدق نياتك
واقفيت وانا انتظر جيّة مناديبك = محتار في قلب مايسلى محاكاتك
مانا من الي رضي ياصيد تعذيبك = وش ذنبي انا دخيلك في متاهاتك
اضْحِكّ وازْعِلَْكّ واتهنى بتطريبك =فالفن لاشك ساكن بين عبراتك
مساحة الحزن تطويها تعاتيبك = عزي لروحٍ كواها ضي حسراتك
ارفق بقلبٍ من اعماقه يداري بك= يهوى جنوحك وترياقك وسياتك
والحق مهما حصل يازين راضي بك =تامر وتنهى ومرفوعـات راياتـك
|
العزيز الغالي فلاح بن منشار سلمه الله
الف الف مليون صح السانك وحقيقه اعجبتنى جدا القافيه وانت هنا البست ابياتك تاج فالقافيه تاج القصيده ابدعت في صب افكارك الراقيه بقالبٍ من ذهب فاصبحت حلةٍ مرصعةٍ بكل ثمين ونفيس ثم البستها التاج وختمتها بقفلة رائعه :
والحق مهما حصل يازين راضي بك
تامر وتنهى ومرفوعـات راياتـك
ياسلام يافلاااااااااااااااااااااااااا ح من بعد هذي ماعاد نرضى بأقل منها
ابدعت وامتعت الله لايهينك وبيض الله وجهك
تحياتي
مع اسمى ايات الشكر فائق الاحترام واطيب المنى رعاك الاله