اقتباس:
المشاركة الأصلية كتبت بواسطة محمد بن عمار
السلام عليكم ...
مشاركة متواضعة لتأجج نار الوجد
عسى أن يكتب لها القبول مع شموخكم ..
.
نايض ا لبرق
ياهلا بالذي نوّه يطرّز سمايا = ظللتنا غيومه والمطر به نضيح
مرحبا عـد نوض من جميع النحايا = يم خلي بوادر لمع سيفه يليح
نايض البرق أخيله فوق سبت العلايا = والمراويح تسبح في الشمال الفسيح
يوم ناديت قافي جت خيولة عرايا = أقبلت تصطفق صوبي وتجمح جميح
مذعنات ٍ لمدحه صايرات ٍ سبايا = تضوي بطوعي وتسرح بأمري سريح
صاحبي جامع ٍ الزين و كل المزايا = كاملات ٍ وصوفه ما يبي له مديح
صبت الشمس نور ٍ في الثغر والثنايا = والشعاع اشتعل من فوق خده , وضيح
وحمرة الورد في الوجنة بلون الشفايا = والشعر من على الامثان يسبح سبيح
كلما اشرّ بعينه ... مرخي ٍالغطايا = جض قلبي ولولا العيب والله لا اصيح
تهت عقبه و حيلي ما بقابه بقايا = كلما قمت رجلي تنثني بي واطيح
صار حبه بدمي مختلط بالخلايا = حرّم الدم ربي , كيف ؟ له يستبيح
انتخيت وفزع لي من حشام الطنايا = قالوا ابشر بعزك , لوهي روس ٍ تطيح
قلت والله مالي ثار ولا قضايا = كل ما بي غزال ٍ من صوابه , طريح
لي شهور ٍ وانا انشد عنه بين القرايا = لا لقيته ولا احد جاب علم ٍ صريح
محمد بن عما ر
|
الغالي ابن العم محمد بن عمار //
صح الله فكرك وقلبك وكلك ...
والله انك اطربتني يابن العم بهالقصيدة لاهنت..
لاخلااا ولا عدم يالغالي ..
تقبل مروري وتحياتي..