اجيك ضايق من الضيقات بهدومي=واروح منــّـك وانا الامال .. قدااامي
وان جيت تسأل عن الاوضاع وعلومي=يكفيني انك شقى هالروح والامي !!
لو كنت تدري علام الياس بعزومي= ماكان تجفى معي وتروق (لعدامي) !!
ماغيّر الوقت طبعي فيك وسلومي=تبقى وحبك مداد العمر .. لايامي
من شانك الناس صارت كنها خصومي=ولاهمني كود يرضى مصدر إلهامي
ليه الدقايق تموت بلحظة قدومي = حتى المشاعر بكت من جفـّــت اقلامي!!
ياضيقت البال عني للفضاء قومي = تعبت ماقوى اشيل الحيل .. وعظامي
هذي معالم بقايا الحب ورسومي=فيها ملامح عظيم الشوووق لهيامي
ولازلت عايش عساها تصدق حلومي=ولو طول الدرب ماتتعب لك اقدامي
ماجاني ادري من الحسرات مقسومي = لابدّ مادفع ضريبة باقي اعوامي
مليت اخايل واعدّي عالي ارجومي=احاول اسلى .. واسلي قلبي الضامي
ولاخيّم الليل همت بعالم نجومي=اسجّ لبعد مدى تاصله احلامي
واعود منها جروحي بالحشى سهومي=من جرحك العام ينزف جرحي الدامي
كني اشوفك على الصدات لي تومي=ترى المحبه خطا لو كانت إلزامي !!
ياعزت النفس شومي وش بقى شومي=بانت نهاية بعض ما كان لاقدامي !!
مدام ودّه يبيع الودّ ويسومي = بروح منـّـه وانا الالام .. قدااامي !!
ولو ضاق فيني فضا هالكون بهمومي=للطيب باني بيوت العز وخيامي
حسبى الله على شيطااااااااانك يابو عبد الله
يازين الكلام العذب والقصيد الراقى حتى وهو يحرق القلب
ولو على حساااااااااااب قلوبنا
جميله مرهقه متعبه تسكن سويداء القلب
يااااااااااااااااااه يامحمد كم اتعبنى بوحك
ياضيقت البال عني للفضاء قومي = تعبت ماقوى اشيل الحيل .. وعظامي
هذي معالم بقايا الحب ورسومي=فيها ملامح عظيم الشوووق لهيامي
ولازلت عايش عساها تصدق حلومي=ولو طول الدرب ماتتعب لك اقدامي
ماجاني ادري من الحسرات مقسومي = لابدّ مادفع ضريبة باقي اعوامي
مليت اخايل واعدّي عالي ارجومي=احاول اسلى .. واسلي قلبي الضامي
ولاخيّم الليل همت بعالم نجومي=اسجّ لبعد مدى تاصله احلامي
واعود منها جروحي بالحشى سهومي=من جرحك العام ينزف جرحي الدامي
ياااااااااااااااااااه ...الله اكبر
دلنى على نبع استزيد منه مثل هذه العذوبه
احتاجها
ونحتاجها جميعا
تتعب القلب
ولكن لها نشوه حتى وهى ترهقنا
يامحمد
اتعبنا اكثر ارهقنا اكثر
نحن نتمتع بنشوه تغريدك العذب
هذا كله ليس اطراء فانت تعرفنى
مجرد تسجيل حضور على وارفه بالجمال معتاد عليها من مثل محمد العسكر