[النهر الخالد]

المشاركة الأصلية كتبت بواسطة ابومالك رسام

كالعادة اتمنا ان تنال بعض الرضى من جنابكم

الغزال اللي نهب عقلي بعينه = سلمت من نظرته كل الحصون
جيّته شلت سكون أهل المدينة = ما بقي لأهل المدينة من سكون
الحرير اللي تدلى في جبينه = والرموش السابحة فوق العيون
والعيون اللي فؤادي ضيعينه = والخدود اللي مطالعها فتون
صاحبي وأهواه والله لا يهينه = وكل شياً في رضا عينه يهون
ذاكرينه والله إنا ذاكرينه = والحديث عن المحبة ذو شجون
والهوي مثلي إذا جاته حسينه = والله انه يقتلب عقله جنون
ايش أسوي طالما نفسي رهينة = وكل حلوة شفتها صارت تمون
مشكلة والله كسبت أطباع شينه = وابتليت بحب ربات الغصون
شاعراً يشقى شقاته من يمينه = لا يكل ولا يمل ولا يخون
يحسب إن الناس مثله عاشقينه = حسن ضنه ورده بحر الضنون
والبنات اللي عرفهم متعبينه = لا قنع منهم ولا هم يقنعون

الاخ الشاعر القدير

ابو مالك الرسام

صح لسانك ولا هان راسك

ابدعت فيها بيض الله وجهك

جزاله ومعاني وافيه


تقبل تحياتي وتقديري لك