اقوى من البوح بوح النفس راعيها= صوت المشاعر بوسط الروح له ضجه
بين المسافات مع رجل ومماشيها= تبحث عن الدرب تتعب وين تتوجه
لاكثرت اهداف نفسٍ زاد شانيها= لا الوقت يرحم والا الابواب منهجه
في لحظة الصمت بوح النفس خافيها= يضيع وجه المطر من قوة العجه
وتبقى القصايد مع روعة قوافيها= والعشق الاول قصيده تكره اللجه
لا مافقدت الامل لا ماقدر الغيها= اركض ولا اركض اخطوط الوقت معوجه
لو الاماني فخار وصعب اداريها= الشوق وان طول المشوار والهجه
باقي وباقي مع الغيمه سواقيها= تمطر بهجران والا للوصل حجه
ياكيف نفس تلوابك وتشقيها؟= ياميس القد غرقان الهواء نجه
كم مرة رد نفسه عن حراويها = يمك ولا به طريق ماسلك فجه
كل الجهات انت والا فانت نافيها= وين الطريق اللذي ينسيك ويسجه
ضاعت ادروب الامل ضيع معانيها= دربٍ مشيته وذقته عارفٍ زجه
في غبة الهم كم اقلوب يرميها = والا فانا موقفي ثابت ولا اوجه
عن يمتك ماذخرت درب ناويها = ياأول الحب واغلاء العمر والسجه
قصيدةٍ مانت باولها وتاليها= تصرخ من الغيض باعلى الصوت محتجه
وهذه تحياتي
مع اسمى ايات الشكر والامتنان فائق الاحترام واطيب المنى رعاكم الاله