بنات الفكر عطّن بنفحة شذا القاسيـن = على جمرة ضـروفٍ شديـدٍ تمزعهـا
لحتنا الليال العوب واحتدت المرهيـن = وكف الدهر لهوى على قـوم مزعهـا
بتوعٍ ولي هقوه سطيه مـع الممديـن = تفوق الهقـاوي لستهاجـت مطامعهـا
لكن السنين العوج تدحم بـدون يديـن = لمع نابهـا قـدام نصمـل نصارعهـا
ونطحنا وجيه الخوف واقسى شديد يلين = مقاليطنا عين الخطـر مـا تزعزعهـا
سيوف الشجاعة فالملاقا تـرد الديـن = تهيب الاعـادي لستناضـت تلامعهـا
نسمها سمومٍ تحرق العسر قبل الليـن = زمت في عيون الوقت لو كان مجزعها
تعوم البحور الهايجه فوق كف البيـن = وفي زرقة الامواج تعصـر مدامعهـا
تعفي حبال الصبر في غفلـة اللاهيـن = لو الضرف مبقى فـذةٍ فـي مقادعهـا
تناوش سنام المجد من سلـم التمكيـن = تحضن الثلاث البيض وتـروم رابعهـا
تتل الرها بالميز والعقل مثـل العيـن = يميز قـدا الخطـوه قـدم لا يطالعهـا
مثل بصمة الاصبع لا جات اللزوم تبين = وتفرق عروق الناس بصمات اصابعها
وتباكا عيون الفقر من عوزة الوافيـن = لو دموعها ما تبري اصغر مواجعهـا