[الطامي]

المشاركة الأصلية كتبت بواسطة شوقي العامري

.
.
.

كريم الطّبع منْ يوفي وعوده=ولا يشقيْك منْ كثرة صـدوده
يجيك ويستمع لهموم قلْبـك=ويقطف من بساتينـك وروده
يشيل الحمل والأثقـال عنّـك=ويجبر خاطرك بحلـى ردوده
يزورك كلّ ما رحت ونسيتـه=ويعلن لك الى الآخر صموده
ينسّيك القهر ويـذود عنّـك=ويحشد لكبر أعْدائك حشـوده
يدافع عن حقوقك قبْل حقّـه=ويبذل كل مساعيه وْجهـوده
يحطّك في وسطْ عينه وقلبـه=ويسقيك الكرم من كاْس جوْده
يقول الصَّدق لوّ أنّك سألتـه=ولا يبعد ويخرج عن حـدوده
يعزك مثـل أخْوانـه وأكثـر=ويثبت لك من أفْعاله وجـوده
يخبي عن جميع الناس سرّك=ويفضي لك من الطّيبه سدوده
يقدّم لك من أفْكاره نصيحـه=ويعكس ماتعلّم مـن جـدوده
هذاك اللي يسرّ البال ذكْـره=ويحفظ من كرم أصله عهوده

شوقي العامري
صح السانك وعلا شانك
قصيدة جزلة من جزله
حببت ان انقلها كلها مع الرد لأنها متماسكه
لاهنت
وشكرا لك يامبدع