[الأموره]

المشاركة الأصلية كتبت بواسطة علي ابو عمار

طيب

خلوني ارجع بكم كم سنه عندما تخرجت من الثانويه قبل 20 سنه
قلت للوالد ماني مكمل الدراسه الجامعية وابي ادور وظيفة
بكل بساطه قال هذا مصروف اسبوعين ومع السلامه ، وفعلا خلال اشهر وجدت
الوظيفه الى اخرى حتى استقريت منذ 17 سنه في سابك الحبيبه .....
اما الان الشاب الجامعي يفحط سنين حتى يجد الوظيفه ( طبعا بدون واسطة )
ولكن بكل صراحة ذيك الايام الوظيفة متوفره ولكن الان لا يوجد والان
نقول الشباب بدون طموح ، ما يصير حتى البعثات سجلوا فيها وراحوا
هناك وهم ما عندهم مصروف وأخونا خالد العمري قابل ناس منهم ،
يعني الطموح موجود ولكن المادة والتوجيه لا يوجد هذا تقريبا مثل
موضوع الشباب والفراغ : طيب ياناس وين يروحون
أحد اخوتي تخرج مدرس جلس بالبيت سنتين وشغلته مقاضي البيت مع
الوالدة ويقول والله لو يصح لي اروح معها مسايير الصباح كان رحت
لا تلومونه أتجنن الرجل متخرج من من الجامعه مدرس وهذا اللي حصل .
بعض الامور عندنا تحطم الطموح وتقتل حتى انسانيتهم وشوف عينك
بالحدائق مطرودين بالاسواق مطرودين على الشواطئ مطرودين على
الطعوس بالبر لاحقوهم العوائل وقال مضايقينا حتى في البران ....وهم اللي اجوا
شبابنا فيه خير ولكن ما فيه دعم من الدوله لهم ولا احد فكر بهم اذا حدائق
لهم ما هم قادرين يوفرونها تقولون وظائف ... وأخر تها شباب ما عنده طموح
أعتررررررررررررررررض حتى جزيرة أرواد الحبيبه ...

يا اخي

مسألة فرص العمل موضوع آخـر ،،

نحن نتكلم عن الطموح

مثل شاب له هدف ياخذ دكتوراه بكذا

له هدف يخترع شيء ما

و من قال لا يوجد دعم ؟؟

احد الامثلة

في دبي مؤسسة محمد بن راشد لدعم مشاريع الشباب

لكن اساسا لا يوجد من يسعى

يريدون كل شيء جاهز

اعتقد التربية لها دور ،، الاب مفروض يربي ولده على الاعتماد على نفسه و لو حتى شوي

يعني الان الواحد ابوه بيزوجه ،، سيارة ،، كل يوم تلفون جديد ،، لاب توب جديد

ليه يكون عندي طموح ؟؟

الوالد مو مقصر كل شيء جايبه لي

شاكره لك مرورك

نورت الصفحه ،