[صوت الإحساس]

طبعا سواليفي أغلبها إذا مو كلها في حياتي وعمري وفرحتي (سجو) ربي يحفظها


ويحميها من كل شر



بصراحه مو علشان بنتي


أبمدحها وأقول حلوه وأموره وبسكوته

والله ألعظيم إنها أحلى وأجمل طفله بالدنيا وموشرط أحد يصدقني

انا مصدق نفسي وبقوه


الله يحفظها ما إدري هو من حلاها ومن غلاته ما وصفتها بقصيده


لأني حاولت كثير وربي وعجزت

وما طلع معي إلا هالشي

وشلون انا يا بنت بكتب قصيده = في وصف حسنك لاغدا مالك اوصاف
الحرف عاجز والمعاني عنيده = مالوم حرفي مثل هالزين ماشاف
إن قلت مثل البدر كذبه جديده = وشلون وانتي روح واحساس شفاف
وانقلت مثل الشمس شمسي بعيده = وانتي لي اقرب من سنا الشمس لاطاف
وان قلت مثل الصبح في يوم عيده = الصبح بعدك يختفي مثل الاطياف
ياللي بحسنك فالخلايق فريده = الحرف وده بس ما عنده انصاف
ما دام حسنك شيخ حرفي وسيده = وش له أغصب الحرف واقسى على القاف