[الطائر المهاجر]

مبروك بن ماضي=
مبروك بن ماضي مضى في سبيله = والعالم الله وجهته رايح لوين
ابومياس=
حياك يامبروك ليلة جميلة= يامرحبا بك يابيض الوجه واهلين
هات العلوم اللي معاكم جزيله = لوكان موال معه كم بيتين
هذاك ابو مياس راع الطويله = وايضا ابن ماضي طويل الذراعين
مبروك=
اهلاً يابو مياس مافيك حيله = ويامرحبا في داعي الشوق الفين
عالشات دخلاتي تروها قليله = والعذر عن تقصيرنا يامحبين
ابومياس=
الليلة الليلة ترى عن الف ليلة= صافحت فيها اصحاب عالقلب غالين
داعي الشوق=
ويش الخبر يالربع ويش الحصيله = بعض الفطاحل غايب صار يومين
اسمه مدون تحت هذا دليله= لكن صوته ما وحيناه ذلحين
مبروك=
الليله الليله 00ابدعي (الحليله) = شيطان شعري غاب عني من سنين
اما كتبت اشعار جزله اصيله = ولا هجرت الشعر ويّا الدواوين
داعي الشوق=
كلن على موجه يناظر سبيله = وكلن معه مجداف فكره براهين
علي العتيبي=
سلام ياهل العز واهل الفضيله = وشلونكم واخباركم ياميامين
داعي الشوق=
اهلا هلا باللي يجيب الطويله = ابو محمد من صقور وشياهين
ابومياس=
انا اشهد ان الشعر مهدود حيله= قليل نلقى قيم القاف هالحين
علي=
داعي ترا مبروك راعي فصيله = فصيلته زايد ولا يقبل الدين
ابومياس=
اهلا وسهلا عد ماسال سيله= واعداد وردٍ ناميٍ بالبساتين
علي=
وان كان ابو مياس ينضح صميله = لا بد مايدبل على الصاع صاعين
ابومياس=
صميلنا ثقيل محدٍ يشيله= ومجودين اوكاه بالعسر واللين
داعي=
مد النظر واياك تسرح بميله = ترى الخطر يختال عند الكراعين
علي=
وان كان شفت الشعر يومي شليله = وقف وقل ياشعر صرنا ....
بومياس=
لاتروح يامبروك نبي الوسيلة= عطنا من حروفك على الحرف شفقين
علي=
مبروك بن ماضي وربي وكيله = ماياخذ الا من خيار البعارين
بومياس=
هذا علي وسعود والشعر شيله= نطرب لشعرٍ تبدعونه على اين