صح لسانك انت والمرشدي
ابيات مختلفة
عطْني حلوله ياولدْ مرزوق مـن قبْـل الفـوات
أجاملْ العِتْوي أوْ ارْحل يـمّ طهـرانٍ وهِيـت
انت عارف لوتروح لطهران وهيت اتوقع اكثر الناس بتروح وراك وماراح تكون لحالك
الحـظ بالدنيـا يديـر اكثـر علـومٍ دايـرات
حظك نصيبك مايصيبك شي حاصل لو عديـت
الهمه العليـا تحطـك فـوق روس النايفـات
والهمه الدنيا قعدت ابهـا ليـا منـك رضيـت
سدد وقارب للهدف لاتقول ماقـد فـات فـات
اضبط عيارك وانتبه ترمش ليـا منـك رميـت
كل اختبار لو فشل غيـره مـع الايـام يـات
كرس جهودك زين واخلص بالعمل لامن سعيت
برقٍ تعـدا بالمـزون الساريـات المردمـات
لاتلتفت له لو علـى وبلـه تحسـرت وبكيـت
من صارع الدنيا يشوف الغايبـات المبهمـات
تبدي لك اللي مختفي وقت الصباح وبالمبيـت
جمـع بقايـا مابقـا وارق الرجـوم العاليـات
شد الحزام ولو بدا حالك مـن ايامـك شتيـت
لاتستمع لاهل العقول الصاغـرات الخاويـات
سكر سموعك عن هروج النذل كنك مادريـت
طرد الهروج تحاربه كلّ العقـول الراجحـات
مافيه فود من الملاسن هـج لـو فيـه ابتليـت
ونعم الصديق الصدوق خذ بشوره سهيل الله يريح بالك ويحقق مناك
ملاحظة ياليت تبتعد عن اللعن فاللعان مخلد بالنار والعياذ بالله