المهاجر=
انا لمحت الطير من دون جنحان=طفى علينا النور من شان يرتاح
علي الغامدي=
ويمكن مطفّي النور من شان نعسان=وده بغفوه بس في قلبه اجراح
المهاجر=
الشايب اللي ما درى وين ماكان= ضيع شبابه ليل ما يعرف اصباح
يركض على البرسيم في القت هيمان= وإذا لفى ليله يكسر للأرباح
يبي التجاره بس بالحيل خسران= من جرف لدحديرا يراكض كلأشباح
اشعث غبر كل غدا فيه بلشان= يمد طرعانه وهوشه به نواح
فلاح=
ياعود هدي سرعتك بين الاشجان= واحمد جليل الملك ياعود وارتاح
علي=
شايب في 60 ويقول طربان=إلا مشى خطوه في الثانيه طاااااااح
فلاح=
وش لك بجمع المال دام انت بطران= عندك ذهب ومخزنه داخل اصفاح
ابومياس=
ودي تخاويني على الدرب من شان= تعرف ديارك وانت جالس ومرتاح
فلاح=
قالوا لي ان العود حتى بزهران= له مصلحه وان رحت جده والاسياح
ابومياس=
ترى جلوس البيت نقصان نقصان= وانا لكم يا ابيض الوجه نصّاح
المهاجر=
اعوذ بالرحمن من كل شيطان= اسمه فلاح ولا عرف وين الافلاح
واعوذ بالرحمن من كل وسواس= اسمه ابو مياس بالشر صداح
فلاح=
ياعود وشبك عندك القير خربان = احسبك صاحي واثرك اما انت فضاح
المهاجر=
انا وخالد مع علي دوم اخوان = ومنهو يهاجمنا نلاقيه باتراح
فلاح=
تقول لي شيطان ياذروة الجان= جدك نبي ياخلفة الشيخه اسماح
المهاجر=
ومن لا عرف للطير لا فل جنحان= يصبح فريسه مادرى يوم بافراح
فلاح=
ماتاكل الا لحم ياعود ضبان= وحزة الحميض تهوى التسداح
المهاجر=
يقرص على المنشار واثلم اسنان= وميلي على اللي داله بفل مسباح
فلاح=
تقول انا تاجر وباصير فنان= واثرك تربط بالعقد يابو صياح
متعب المينيح=
فلا حون ونضبط يا كحيلان=لا طحت ماني قايل ٍ ذا وراء طاح
المهاجر=
اللي ذرى بالفي يحسبه ذيبان = وهو حصيني قطع ذيله ولا صاح
ابومياس=
والصبح يفطر فول ويتبعه قرصان= تقول كنه ياعرب زول تمساح
فلاح=
تهوى الفصاحه نحسب الناس طرمان= وجاك سهم الموت من رمي وضاح
المهاجر=
افطر على لحم الحبارى بليهان= وامسى على سباع لها الناب جراح
ومن شب نار الحرب تصلاه نيران= ومنهو بدا يدفع ضرايبه بافصاح
متعب=
خل شايب الرحمن يا عالي الشان=وفطن تراء برق الحيا بارقه لاح
فلاح=
قلدت بين الناس ياعود هامان = تبني الصروح وتاتهنى بالافراح
متعب=
اليل تو اليل والنوم سلطان=والله ماتمرح قبل فلاج الاصباح
فلاح=
يومن شبيه النمر واليوم قازان= تعمل معلم جاك ياعود قداح
متعب=
يابوك هذا له معزه وله شان=ماهو من الي مادريبه لياراح
ابومياس=
فلاح شفت العود قفل ونعسان= ضيع حروفه مادرى وين مفتاح
المهاجر=
اضرب على الكايد برشاش مليان= وادور لظبي يبي سهم ذباح
متعب=
اعقاب وبن عقاب من روس عقبان=طريحهم مايرحمونه ليا طاح
فلاح=
جيبه مخبط وابصر الشاص هريان=لامن مشى تسمع قرابع ورزاح
المهاجر=
عندي مفاتيح على كل خربان = من قفل كوري او صنع وسط الاسياح
فلاح=
ماينفع المدهوك لو صاح عفتان= قد راح في ستين ميله وطباح
متعب=
العود مثل العود والعود ما فان=مثله وريح العود يعجبك لا فاح
المهاجر=
ماشفت فيكم غير طير ابن برمان=يدور دجاج وكل وقته تبطاح
فلاح=
الشمري لاقال ماهوب عجزان=مير الحياء رده عن اهل التمساح
متعب=
اضرب على الكايد اليا صرت بحلان=يقولها شيخٍ للكوان نطاح
المهاجر=
اضرب على الكايد اذا صرت بحلان=وانشر ابن منشار والبيه رماح
ابومياس=
ياعود خل الناس تمسي مسيان= ماهوب طاري لك تريح وترتاح
فلاح=
ياعود لاتشرد تراك انت ميزان= واليا سريت فلا لنا غير مرواح
المهاجر=
لاشفت متعب جاك فازبن لقينان= وتدف عنده لينما تفلق اصباح