ياشين ضيف ماعرف للمواجيـب===ما قدره للطيـب فـوح ألدلالـي
يسهر طوال الليل يحصي المكاسيب===ولا يكرم الضيفان في كـل حالـي
يحسب حساب المال في كل ترتيب===مايدري ان الجـود درب المعالـي
اكرم ضيوفـك تعتلـي للمراقيـب===فالذكر للإنسـان اجمـل خصالـي
قدم لضيفك واكسبـه بالتراحيـب===والحـظ دايـر دورتـه بالتوالـي
ناسٍ تعز الضيف نعـم المعازيـب ===اديارهـم تحـلا بذبـح الحلالـي
متوسدين الطيب مالحقهـم عيـب====وما هزهم في البرد ريح الشمالي
الطيب طيبٍ يكسبونه هـل الطيـب===يا زين هرجٍ اللي هروجه فعالـي
اوجيههم سفره وكـف المواجيـب====ما صدها عذر العـوز والنوالـي
تضحك ولو هي عايشه في لواهيب===ولاحدٍ عرف عن بردها والصوالي
أنا اشهد أن الكيف فنجال تطريـب===لا مدتـه يمنـى كريـم السبالـي
طير توسـد مجلسـه للمعازيـب=====حـر ابـيٍ ظاهر(ن)بالجـلالـي
ان شفت عينه شدتـك بالتراهيـب====حـذر ونـذر زاهـي بالمعـالـي
مثله لهم منـي سـلام وترحيـب=====دار لهـا عـز بصـف الدلالـي
صح لسانك اخيتي صمت
لاهان راسك قصيدة رااائعة
ترجمت روعة المعاني
سلمتي ودمتي بخير