[هاجس نجد]

المشاركة الأصلية كتبت بواسطة عبداللـه اليـامي

في وحدتي تناثر الدمع مـن عينـي=واقفت ليالي السعاده مـع قوافيهـا
سود الغداري تغربل تالـي سنينـي=تروّض عِزوم فكري لي سرت فيها
لانـور قمـرا ولا نجـمِ يسلينـي=شوقي جنوبٍ وتجنح بـه شماليهـا
وعيني طواها معا لحزان كاسينـي=من راعه الوقت مافسّـر خوافيهـا
لي هزّها الوجد حنّت بين رمشينـي=رمشٍ يسلهم ورمشٍ غـارقِ فيهـا
وان غاب عنها طواها اليأس والبيني=نظراتها في ثري المجهول ترميهـا
من حر ماها تصفّق راحـة يدينـي=مع ونـةٍ تكسـر الاهـأت ترثيهـا
حتي الصبر ياخلايق قـال كافينـي=دبّر وجدواه فـي صـدّه يواسيهـا
باسباب منهو جعل من قلبي اثنينـي=علّه جروحٍ تدامـي فـي خوافيهـا
مديون والموت يمكن يقضي الدينـي=الروح تاليه خوفـي منـه يشقيهـا
للي دموعه علـي خديـه ترثينـي=تزرع من الطيب في قلبي وتسقيهـا
مير القدر مايعرف الشين والزينـي=هذي صروفه يميـن الله راضيهـا

الأخ الشاعر // عبد الله اليامي
كم نحن في شوق وتلهف لما يبدع به قلمك من كلمات عذبة ورقيقة كعذوبة قطر الندى على الورود الجميلة
لنروي بها ضمأ شوقنا وإعجابنا بما صاغه فكرك وبما خطه قلمك بإيحاء من عقليتك الفذة المستنيرة
والمتطورة دائماً
لله درك على ما تجود به من روائع وتحف شاعرية تغوص في أعماقنا وأرواحنا بلا استأذان
تقبل مروري وإعجابي
أخــوك
سعـــد بن عبــد اللـــه العبيــــد
هاجس // نجـــــــد