[هاجس نجد]

المشاركة الأصلية كتبت بواسطة الطائر المهاجر

كيبورديه

اضحك مع الناس واخفي ما يعنيني = ومن شافني يحسب اني داله(ن) سالي
ولا صرت وحدي لفى حزني يخاويني= كنه مكلف من الايام بوصالي
آه(ن) على آه من حرات تكويني = تلسع على القلب لسعة داب يبرالي
اجر صوتي ولا القى من يواسيني= كني كسير(ن) يصوت في الخلا الخالي
الله يا دنيتي ليه امتحنتيني = وش عاد باقي تخبي لاحق(ن) تالي
من وين وجهتها تكسر نياشيني = وترجع عليّه بسهم(ن) حطم آمالي
الوقت ماهوب وقتي لا تضديني = مقدر اساير زمان البوم وكحالي
الله خلقني من احرار الشياهيني = كرامتي عزتي في راسي العالي
مقدر اوطيه لو وقتي يجافيني= وحتى ولو شفت ندباته على عيالي
اصبر واصابر فلا الرحمن ناسيني= في يوم تفرج ولو طول بي الحالي

مشرفنا الموقر/ الطائر المهاجر حفظه الله ورعاه
صح لسانك عسى هالصوت ما ينقطع إنشاء الله وعساك على القوة دائماً
الله يرحم والديك ويكفينا وياك وجميع المسلمين شر الهموم وميلات الدنيا
قصيدة معبرة ومؤثرة في نفس الوقت تقطع القلب
كل بيت ماينقص عن البيت اللي قبله معاني قوية أسلوب مميز ممتع ومحزن في نفس الوقت
القصيدة ممتعه في نضمها وأسلوبها / محزنه في موضوعها ومعناها
أرفق علينا يا دكتورنا الموقر ما عاد نقدر على الشي اللي يجرح القلب/ كفاية جرح الزمان
تقبل تحياتي ونقديري وحبي لشخصك الكريم
أخــــوك
سعــد بن عبــد اللــه العبيــد
هاجس/ نجـــد