[الأموره]

السلام عليكم و رحمه الله و بركاته ،،

هلوووز باللووز ،،

طبعا الامتحانات قربت و لله الحمد خبر يغم الواحد ،،

ما علينا ،،

لا شك في ان بعض الاباء يلاحظون تغير على عيالهم في هالفتره ،،

لكن ما حد سال نفسه ليه ،، انا اقولكم ليه

عشان يضيعون الوقت ،، طيب كيف ؟؟

تعالوا شوفوا :


1 - في فتره الامتحانات سبحان الله تنزل عليهم تقوى ،، الواحد كل خمس دقايق يصلي ،،
مدري اشك ديانه ثانيه عندهم ،، غير كده الركعه عليها ساعه ،، و لو يقدر يطولها مو مشكله ،،

2- يا حبه للاكل و الشرب في هالفتره ،، تجيهم حاله جوع فظيعه ،، ما يلحق الواحد يهضم و يقول جوعان و من زود الاخلاق الرفيعه ما يخلي حد يسوي له يمشي على منهج " اخدم نفسك بنفسك " >> و شوف كيف يضيع الوقت

3 - البنات احم احم فديتنا و الله ،، في هالفتره الوحده تبي تساعد امها بكل شغل البيت و تبي تطبخ يعني تشعر بالمسؤوليه بهالفتره و من تجي الاجازه تشوفون مسؤوليه النوم على اصولها >> تنكشف الاقنعه هع

4 - يبدوون سواء ولد او بنت بالاهتمام بمظهرهم كل شوي تسريحه جديده و لبس غير و ميك اب شكل طبعا هذولا نحن البنات فديتنا ،،

5 - البعض الاخر يمسك لك هالكتاب و يقعد ست ساعات متواصله حتى امه تخاف عليه ،، يا خاله الولد يفتح الصفحه يقراها في خمس دقايق و يتنح في الصور نص ساعه >> على اساس قاعد يدح و يحفظ ،، ،، طبعا هذا غير مواهب الرسم و الكتابه و الخط فنووووون لو احط لكم صوره كتابي ههههههه ،،

6 - يصير الواحد فينا اجتماعي لابعد درجه ،، و طبعا هذا يسعدكم اننا نبي نروح للاهل و تنصل عليهم تحت شعار " صله الرحم ط" .

7 - الولد يسوي فيها رجل البيت كل دقيقه ما تبون شيء من بره ؟ و اذا ابوه بقضي غرض تسمع الولد : لا و الله حلفت انا بروح اقضي هالغرض خلك مرتاح انت " و ما تشوف رقعه وجه الا اخر يوم بحجه الزحمه او اي شيء ثاني ،،

8 - النوع الاخطر اللي يسكر غرفته بحجه ما ابي ازعاج ،، هو يسكر غرفته و يدرس و هذي حقيقه من جد تصير
لكن اللي ما تعرفونه يالمساكين ،، اننا ندرس شوي و بعدين تبدا الهوايات من نوم ، لمسجات ، لشيل حديد ،، عندي اخو دخل الجامعه عضلاته زي نسيم حميد تقول ملاكم ،، ما غير يسكر هالباب و يحمل هالاثقال ،،

و ترى هذا الموضوع مكتوب عن خبره و عن دراسات مع ناس من هالجيل ،

الله يسهل بس ،،