اّه من واهج بوسط القلـب صايـل = كل ماقلت اكتفى ! يـزداد قسـوه
من سبايب صاحب ٍ سوى الهوايل = ياعسى ماياجـد المخلـوق هفـوه
مادريت انه بخسّـة كـان شايـل = ماتوقعتـه ورى هـزوه وخـزوه
صاحبي مهما يكون البعـد حايـل = هاك ردي يا مباعـد كـل هقـوه
لاتظـن الشـك بالمقصـود زايـل = خابرك تعزف على الاوتار عنـوه
اكشف اوراقك ترى يكفـي تحايـل = لا تحاول تتنظـر باللعـب غفـوه
زيّن الشيطان لـك سـود الفعايـل = متّخذ من منهـج الشيطـان قـدوه
بين انصـاف الجمايـل والجمايـل = فرق شاسع من يقول الباع خطوه ؟
لو بدور فـي صفاتـك والسمايـل = شل تفكيـري ولا حصلـت نقـوه
روح يابن الناس والدعوه سهايـل = مير حاذر لا تهـاون كـل دعـوه