مشكلة صديقتي..أتمنى أن أجد لها حل لديكم!!
السلام عليكم أعضاء وعضوات الفطاحله أتمنى أنكم بأحسن حال وعذراً عن إنقطاعي عن المنتدى ولكن بسبب ظروف دراستي إحدى صديقاتي عرضت علي مشكلتها وبصراحه إحترت في أمرها فحبيت أعرضها لكم على أمل أن أجد حلها لديكم المشكله بإختصار<<إسمحوا لي أن أتكلم بالعاميه إنو البنت هذي أبوها وأمها منفصلين عن بعض وأمها ساكنه بمنطقه أخرى بعيده عن الرياض البنت تخرجت العام من الثانويه العامه وفاتها موعد التسجيل بالكليات والجامعات وعند بدأ الدراسه أجبرتها والدتها على أن تسجل في إحدى الجامعات بالرياض وطبعاً التسجيل بفلوس وأرسلت لها أمها المبلغ المطلوب للتسجيل لأن أبوها مستحيل يدفعه لها....... سجلت البنت وبدأت الدراسه ووقت دوامها من 3،30 العصر الى 7 المساء وطبعاً هي تروح وتجي للجامعه بنقل خاص والنقل لايقل عدد الطالبات فيه عن 8 طالبات فمع اللفه وتوزيع الطالبات ماتوصل لبيتها ألا 8 أو 8،30 بالليل طبعاً إذا وصلت إستلمها أخوها اللي أكبر منها بالضرب ليش؟ يقول إنك ترجعين متأخره في الليل مع العلم إنو هذا هو دوامها يعني هو عارف هالشغله وللمعلوميه إنو أبوها وأخوها رافضين وبشده طريقة دراستها ورفضهم هذا بسبب أنها تتأخر في الليل ولم يمنعوها من الذهاب بل يستقبلونها كل يوم بالضرب، بس أمها أجبرتها لأنها ماتبيها تجلس بدون شهاده... المهم البنت تعبت وملت من هالحاله كل يوم ترجع تأخذ لها كم ضربه من إخوها وكم تهزيئه من أبوها مع العلم إنو أبوها 24 ساعه برى البيت ولايدري عن شيء! وإذا رجع جلس يهزأ كل اللي في البيت وإذا إستدعى الأمر إستخدم وسيلة الضرب سواء الشيء يسوى ولا مايسوى!! يعني مافيه أي تواصل بينهم وبين أبوهم ولافيه حنان الأبوه ولافيه نقاش أبوي بينهم.... البنت إتصلت علي تبكي تقول ألا متى وأنا على هالحال كل يوم أنضرب وصلت العشرين وأنا كل يوم أنضرب!! وتقول الحل الوحيد إني أترك هالدراسه أقلها أرتاح من الضرب اللي كل يوم آكله بسبب دوامي........ أنا قلت لها كل شيء الا دراستك لاتتخلين عنها ولايهمونك مصيرهم رح يملون ويتقبلون الوضع ويكفي إنو أمك دفعت لك رسوم الدراسه كلها!! وإذا هم كذا ومارح يتغيرون يعني حتى لوجلست في البيت بنفس الإسلوب رح يعاملونها يعني مارح يتغير شيء!! فأولى أنها تتمسك بدراستها وتأخذ شهاده لأنو إهم شيء بهالزمن الشهاده.. *فطاحلتنا الأعزاء أبي رأيكم أيش تنصحونها فيه هل تستمر في دراستها رغم العذاب الذي تجده كل يوم بسبب دراستها أو تستسلم لهم وتترك دراستها وتضيع مستقبلها ولن يتغير شيء في حياتها.....فهي من سيء لأسوء. إحساس أنثى