[ماجد الزيد]

المشاركة الأصلية كتبت بواسطة ساعي البريد11

مساء الخير وابارك للجميع دخول العشر الاواخر .....والله يجعلنا واياكم من المقبولين

1-الشايب اللي تعدى بالعمرسبعين =على طريق الخبر يشر وبه كسره
2-يقول تكفون ودوني على البحرين=بالضبط مرقص عذاري بلحق السهره
3-ركب ورى واستدار ومدد الرجلين=وهرجه ليامن هرج تفوح به خمره
4-يقول ابلحق سميره واختها نادين=قبل المسا ساعته اتطوف للعشره
5-ومن هول موقفه قمت اضرب على الكفين=والصدر ضايق وفي وسط الحشا عبره
6-ونزلت انا وصاحبي من موتري حافين=احدن رمى عقال واحدن طوح الغتره
7-ومن حر مابي صرخت ودمعتي بالعين=ابكي على الشايب اللي ضايعن عمره
8-مابين مرقص وبار وبينها ومابين=راحت حياته وهو مافكر بقبره
9-وياعود منهو بعمرك عايشن ذلحين=بارض الحرم معتكف او ياخذ العمره
10-ولاتنسى حزة وقوفك حافي القدمين=يوم الحشر يوم كلن شاخص النظره
11-ولاني بشامت ولاني مفتين بالدين=لكن نعرف الخطا والصح بالفطره
12-صحيح في هالزمان اللي قبولة شين=قابض على الدين كالقابض على الجمره
13-والوقت يمضي وحنا بالزمن لاهين=واشوف انا الناس ياهي حيل مغتره
14-وهالعود وامثاله اللي ضيع الثنتين=شرن هواهم ودنياهم بها الحسره

عووووووووووووووووووووووووذه عوذه
صح الله لسانك وجاد بنانك رسم تصويري ونقل حي على الهواء مباشرة اجدت الارسال فاجدنا الاستقبال