[ابومياس]

المشاركة الأصلية كتبت بواسطة الآكيد

لعيون محبوبي ترى الدمع مسكوب=ماهمني دمع(ن) على الخد سكاب
ارخص له الدمعه ليا صرت منكوب=لو الزمان يقول حديت الانياب
دام الهوى جاير على كل محبوب=الصبر واجب يافهد لاجل الاحباب
ياما صبرت وضامري فيه لاهوب=وياما رقيت براس رجم(ن) ومرقاب
وياما زعجت الصوت والقلب مصيوب=والزين مبسوط(ن) على حرق الاعصاب
وان طولت في شي ماهوب مرغوب=بدري عليها صدق مانيب لعاب
ان عاش راسي لاجعل الحب مقلوب=واترك فوأده يسهر الليل منصاب
ماله دواء ياكود جرعات وحبوب=وصفة خبير(ن) فالهوى داخل اكتاب
من شان يعرف قيمة العشق ويتوب=واسمي معه يبقى على فتح الابواب
اليا فتح باب الهوى ساعة اغروب=يعرف ويدرك كم عاشق وكذاب
وان مابرز ذكري على فن وسلوب=ماني عتيبي قادر(ن) فتل الاشناب
اقولها صادق على ضرف مكتوب=اكتب هواجيس الشعر وانت الاسباب
تاخذني الافكار من صوب في صوب=ولاني براضي يالغضي حرق الاعصاب
الآكيد/خالد عتيق النفيعي =

شاعرنا خالد النفيعي

هنا وجدنا مترفة الجمال

قصيدة شامخة بشموخ صاحبها

صح لسانك وعاش راسك يالذيب

دمت بخير وعافية