[الطائر المهاجر]

جئت لتأمل ، واجدد الذاكرة من خلال ما كتبتيه فأسمحي لي أن اعبث
هنا ، فلعلي لا اشوه ما رسمتيه من لوحة فنية جميلة

جيتك من الماضي البعيد/ اشيل همي واتبعه = ماهمني طول الطريق/ السيف فكري واليراع
جيتك وانا كلي وضوح/ ولا لبست الأقنعه = من شان تدرك في وضوح/ ابكل فهم واقتناع
ماجيت من ضعفي حشى/ لو حسّ قلبي بوجعه= آطى عليه ولو شكى/ إن كنت ناوي بالخداع

قريت بعيـونك الم ، وزاد الألــم في مهجتي= ما كنت احسّب للـوداع
دنيـاي من قبلك عـدم ، أنتي الضيـا في دنيتي= وانتي إذا أبحر شـراع
الطفـل يحـرم ينفطـم ، من قبـل وقته منيتي= لو تمهلي الطفل الرضيع
يا جرح عاودني السهر ، يا صمت اتعبني القهر= يبكي على حزني اليراع
أنتي وأنا ليـل وقمـر ، صحرا ولا تعرف مطر= تايه وعايش في صراع
ابي المطر، غصني انكسر ، تذبل ورودي والزهر= والعمر يركض بي سريع
بعـدك الم ، قـربك الم ، في داخـلي نار وحمم=حـرقه وشوقٍ والتيـاع

لي عودة تليق بهذا المقام
تحياتي الطيبة