الله على اللي مصنعه يفتخر فيـه=من مصنع اللي عابدين الصليبـي
مـن وارد اليابـان بالنقـد شاريـه=وانا شريتـه يوم هو مـن نصيبـي
نصه غـلام والمراجـل مباديـه=ذيبن ولد ذيـب نسميـه ذيبـي
سالـم ولد راشد مـن البعد ناصيـه=زبن الدخيل اللي يفـك النشيبـي
فيه المـروه والكرامـه مواريـه=وانا احمـدالله يوم هو لـي قريـبـي
رجلن حكيم وكلمة الحق ترضيه=ضد الخصيـم وضد من هو حريـبـي
والقلب الاقشر لعوزتنـي طواريـه=ياماعذلتـه غيرما مـن مجيـبـي
اثره عدون منكر الطيب ناسيـه=وانا حسبنـه يا السنافـي صحيبـي
هذاك مغرورن وضاعت هقاويـه=وعندك خبربعض الهقاوي تعيبـي
والعلم مع ذيب سرى في غداريـه=ذيب سرى يقنب بصوتـه قنيبـي
واللي ترى مايعرف الصقر يشويه=وعلته مافيهـا عـلاج وطبيبـي
وسهيل يطلع من جنـوب مباديـه=يضرب به الاوصاف يابن النجيبي
وانشد مارجل شروطـه تخاويـه=رجـل بليا جسـم ماهوغريـبـي
ونحب من حبه ونكره معاديـه=ياهـون حـل اللغزما هوصعيبـي
واللغز واضـح بيـنـات معانـيـه=من جرب الدنيايشـوف العجيبـي