الســلام عليكــم ورحمة الله وبركاته
أهديكم هذه القصيدة وأتمني أن تنال إعجابكم وإستحسانكم
تصبر وتفرج كـل عقده لهـــا حـلال = خذ العلـم عمن يعتبر صبره سلاحـــــه
تعبنا وحصلنا التعب فيه راحـة بــال = وراع الهوي محروم عن لذة الراحـــه
اعلمك كانك صدق تنشد عن الاحوال = هجرت السهر والنفس بالحيل مرتاحه
بعد ماشفى قلب جرحته وهمــه زال = عـن الحـب قفلته وضيعت مفتـاحــــــه
وخلصت روحي من بقايا عذاب طال= وقلب كويته بالجفا طــابت اجراحـــه
وبعت الغرام اللي شريته برأس المال= مابي فايده يغنيني الله عن ارباحــه
رحلنا عن ارض مالنـا يمهـا مــنزال = لو اشجارها مـابين ورده وتفاحــــه
وبعد القلوب اطول مسافه من الاميال= يابوخشم مثل السيف وعيون ذباحــه
اودعك مابغي لك رساله ولامرســال = و ماضيك من قلبي مسحته بمساحــه
عساها ترافقك السلامه وطيب الـفال= و مســــــتقبلك لعلــها تكثر افراحــه