[عبدالله الشويمان]

المشاركة الأصلية كتبت بواسطة الصريح العتيبي

يوم شان الوقت واللازم بدالي *** قلت هذا الأمر من يقدر يحله

قمت أفكر في البعيد وفي الموالي *** وإن ورد في البال غيره قلت لله

مالها غير أنت يا واف الخصالي *** يا ذرا من مسه اللاهب وظله

يم أبو عساف شدنا الرحالي *** دون بيته لا نحيد ولا نزله

خابرين إن الحمول إلها جمالي *** وإن شيل حمول ربعه عادة إله

كاسبٍ علم جميل أول وتالي *** كل علم فيه رفعة في سجله

في محيطه كأنه القطب الشمالي *** خيرِ تلقى النشامى في محله

مورد لأهل الوفاء جمه زلالي *** أريحِ كل محتاج يدله

الله يعديه صكات الليالي *** ويرفعه يوم الحساب ولا يذله

لأجله أرخص للمراجل كل غالي *** دون وجهه لو يروح المال كله

والله إنه ما ورد غيره ببالي *** وإن ورد في البال غيره قلت لله

صح السانك اخوي الصريح العتيبي

ويستاهل راعي الطيب هذه الابيات الجميله.

لا هنت