لاتعقدت وياك بعض العلاقات=وصارت نفوس الناس ماهي مريحه
احرق دفاترها وكل التفاهات=خذها من اللي كل اموره صريحه
دنياك ماتصفي والأيام عجلات=دايم مواردها علينا شحيحه
ياموتري ماعاد فيها مدارات=خذني على بعض الوجيه الفليحه
نبقي نسير لوتطول المسافات=مادام بالجوال توجد شريحه
الابدال واجد ذاخرك للمهمات=ولاني من اللي تهزني كل صيحه
ان ساعفت نقول مامن ملامات=ولاترى ماني مدور فضيحه