اقتباس:
|
المشاركة الأصلية كتبت بواسطة عمرالعبدالله
من الارشيف مافيه جديد لاكن بالنسبه لكم جديده ارجو قبولها ولكم جزيل الشكر والامتنان
-----------------
عيت دموع العين تذرف بفرقاك=وحتى الندم من غيبتك ماطرالي
وذاك الخفوق اللي تلوعه سواياك=اليوم يامسكين لالك ولالي
اليوم له حب جديد تعلاك=وياهنوف كامله بالدلالي
اليوم جاء منهو بوده تحداك=بخلاق وعلومٍ وبااسمٍ مثالي
راح الزمان اللي نعيشه بطرياك=ودارت على ذكراك سود الليالي
ولاني حزين يوم قررت نسياك=والشاهد الله لا..ولاني مبالي
الهاجس اللي عذبه دوم ذكراك=صحاه مجمول من الناس غالي
وارتاح بالي من تصانيف ممشاك=وشمسك تراها غربت للزوالي
واظلم فضا جو قضيناه وياك=وهبت عليه الريح شرق وشمالي
هذا ولاني شامت فيك ياذاك=لاكن اقول اليوم مالك ومالي
انا مع اللي قال روحي فداياك=اللي بطبع الود ماهوخيالي
والاّ انت لاتسأل عسى الله يرعاك=تلقى من العشاق منه بدالي
ولامن لقيت اللي على الودصافاك=حذراك تعمل به مثل ماجرالي
حافظ على وده وحسّن سجاياك=والله مع اللي في عشيره موالي
هذي شيمنا كان تعرف مزاياك=ماهي تلافيق ولاهي تسالي
|
============
منيع يا منيع
كفو قول وفعل
عمر العبد الله / والشموخ الأدبي الرفيع
لا هنت ولا هان راسك يا لذ يب
اخوك / محمد بن عما ر