:d:d
مادام الحكاية ، أصبحت ، بالشعر تفريق
وكل ٍ ، على ما لاق له يمدح ،أحبابه
صواعق ، قوافينا ،، بتغريب ٍ ،، وتشريق
ندّك ،، المعاقل بالنظم ، وانتغنى به
ونغرق ،، مجالسهم ،، من أشعارنا تغريق
نخيل الجزيلة ، من على ديرة الـلّابه
شموخ المعاني ،، جاهزات ٍعلى التطبيق
وسيل القوافي ،، عالي الحيد يزما به
وحنا هل المعنى ،، بشهرة ،، جبال طويق
إذا جاء مجال ٍ للشعر ،، وانفتح بابه
على كل بحر ٍ نبدع ،، القاف ،، بالتشويق
فلول الشعر ،، في روضنا نوّخ اركابه
ولا احنا بنجني ..؟ هامش الربح بالتسويق
هدفنا نسلي القلب من عارض ٍ نابه
متى ماسمعنا ،، عاقد الصوم ،، فك الريق
نعالج لجرح ٍ في ستار الحشا صابه
حَنَى القاف راسه ، مرهق الكف بالتصفيق
لأنه فهم قصدي وانا قصده ادرى به
على هامش الأفكار ،، و إضبارة ،، التحقيق
ضبطنا المَحَاضِر والشِعر سجّل غيابه
محمد بن عمار