الفطاحلة الكرام
اسعد الله اوقاتكم اخواني واخواتي
اتيت اليكم اليوم الاربعاء 18 ذو الحجه 1434هــ
على اثر مكالمه هاتفيه مع صديق ورفيق درب
تذكرت الايام الخوالي وجادت القريحه
بهده المتواضعه
ياعلي لاذكرت رهيّفات العود=كن فالقلب ثار اليوم بركاني
واسمعه ياعلي لكن جوفه نود =وكن به قافله للجن سكاني
ونّته مثل ونّة مرسدس يبرود=صنع الالمان ماهو بالمريكاني
قلبي اللي اخبره من صخر صار ينود=عند عينه تهاوت كل الاركاني
صار من بعدها بين العرب مقدود=عند قاضي الهوى والحب شاكاني
قلت ياقلب وش لك بالعيون السود=والعواذل تحيك الكيد حوكاني
اللذي حط جواله على الموجود=واللي ابعدت عنهم قدر الامكاني
يارفيق المشاعر صاحبك ملجود=وهوى الغيد دك القلب دكاني
ياوجودي على الغيد الملاح الخود=لي سنه والهوى ماعاد حاكاني
ليت خلي عُقّبْ هجره علّي يعود=يرجع البسمه لي من بعد بكاني