[بدر بن عيد]

مجاراة او رد لمضمون هذي البيتين الذي يقول فيها شا عرها

الصيـف قـرب والسـفـر حــان طـاريـه=وانــــا هــوايــة جــولـــةٍ فـــــي بـــــلادي
الصيف في غير الوطن مشتقي فيه=اقولـهـا مـــن صـــدق مـاهــو عـنــادي

مجاراتي له

حــي القصـيـد الـلـي شعـانـي معـانـيـه=وحـــي الـعـذوبــه والـبـيــوت الــجــدادي
مــن ســـاع قـريـتـه وهـجـسـي مـبـاريـه=يـــهـــدر هـــديـــر مــفــتــلات الــقــيــادي
يـاعــاشــقٍ مــصــيــاف دارك وهــالــيــه=انـا اشهـد انــك يـابـن الاجــواد غــادي
دارك عــجــاج وكــــل ســافـــي تـقــويــه=وجــــوه غــبــار وبــــه تــمــل الـقـعــادي
بالقيض وجهك ينحمس من تصلويه=عقـب البيـاض يصـيـر مـثـل الـرمـادي
خــلــه عــســى رب الثـقـالـيـن يـحـمـيـه=وخـــتـــم جــــــوازك لـــديــــار الــبــعـــادي
لــــدار مــــن كــــل الـريـاجـيـل تـنـويــه=لـبــنــان لــبــنــان الــســعــد والــمــبــادي
لـــو كـــان مافـيـهـا سـلــوم ومـشـاريــه=ومـافـيـهــا الــلـــي للـفـضـيـلـه يــنـــادي
لاجـيــت مـطـاراتـه وسـاحــل شـواطـيــه=ســــج الــقــدم وكــــب عــنــك الــــدوادي
اتشوف الطبيعـه وكـل مانفـس تبغيـه=وعقـب الضجيـج يصيـر جـوك ريـادي
والنـفـس تـدلــه مـــع جـمـيـلٍ مـخـاويـه=تـنـعـم مـــع الـلــي دون حـبــه يــفــادي
غرو(ن) تقل طعم العسل في اشافيه=فـــيـــه الـــبــــراءة والـــحــــلا بـــزديــــادي
((هــاذا وانــا مـاقـط جـيـتـه ولا ابـغـيـه=ومـانـي مــن الـلـي يعشـقـون الـنـوادي
ومانـي مـن اللـي كـل خـايـب يخـاويـه=هـــمـــلٍ يـــحــــب الـلفــلــفــه والـــرقــــادي
انــــا سـلـيــل الــلــي آكــثــارٍ حـسـانـيـه=حــرٍٍ عـلـى رووس الطـويـلات بــادي
شيـخٍٍ علـى نهـج الفضيلـه مماشيـه=ريــف الفـقـارى قـاصـريـن الايـــادي ))
تـمــت وصــلــو عــــد فــــرضٍ نـصـلـيـه=عـلــى شـفـيـع الـخـلـق يـــوم الـتـنــادي

أخيكم: بدر الشدادي


20 \8 \1434هــ