[عبدالله السويلم]

السلام عليكم

مشكوره على طرح هذا الاستجواب الغريب


موضوع حلوه ولوه فضيحه لكن مايخالف


بجاوب على بعضها ولي عوده على البقيه


------------------------


1- نعم كنت مشاكس ولازلت ولله الحمد


2- ما اذكر اني خذت هداياء مميزه في العيد



3- عيارتي. عبيد تصغير عبدالله


4- من صغري ما احب الحلاو اخذه واهديه لغيري
5- بالنسبه للفلاق. ------ عدي وغلطي مافي راسي موضع سنتي الا وفيه شدخ حصاة او شق قوطي
تذكرني نفسي بخالد بن وليد رضي الله عنه


6- اما الحدايق تبي حل ........ ماعندنا حدايق يومياً في المزرعه نخرف ونسحب جوالين


7- اما الضيعه
اذكر راحو عني في عزومه في احد المزارع البعيده وكان عمري 7 سنوات
وكنت لاهي العب وكانت السيارات كثيره وماتدري من اللي راح مع مين ومين


وكان الوقت قريب من المغرب واتجهت للطريق اللي يبعد كيلو من المزرعه وكنت خايف بس مابكيت والحمدلله او واحد مر وشافني واحد من ربع ابوي ومعه ولده في عمري تقريباً وقال تعال شف رفيقك ويوم شفت الولد جيت وقال من انت وعلمته قال ماشاء الله ولد فلان وقام يسولف وراح بي للبيت وكان الجو برد والحمدلله على السلامه


8- اما الصوم خذ ولد اصوم بس كسره في الصلاة الله يعفو بس صغير ماعلي شرهه
9- الحليب مالي فيه مدري وش لو رضعت يومي صغير
10- ترتيبي انا اكبر اخواني للاسف وصارت التجربه في راسي


نكتفي بهذا القدر ولي عوده ان شاء الله


تحياتي