هاضت هجوس المشاعر وانتخى قافي=الشاعر محمد القثمي وقيفانه
الشاعر اللي على الشاتات ينشافي =والا على الهمس عندي قر ميزانه
جينا نرد الهديه لك والاسلافي=اللي من العام الاول جتك حيرانه
ياصاحبي مانبي الا درب الانصافي=لو صارت الخلق كل الخلق غيرانه
نرسم من الفكر لوحه صف صفصافي=متسلسلات المعاني جتك نشوانه
شفت الضبا فالمراعي قلت ياكافي=وكل شاعر ركز فيهنّ نيشانه
متمايلات القدود ولين الاكتافي=عيون وارواح لاهل الود هيمانه
وقلت هذي خبال ابليس ياغافي=وكل حبلٍ توثق فيه شيطانه
من بعد مامر وقت الحب وانعافي=جين العذارى وقلبي صك بيبانه
قلبي بكفي وتحت امري وبشرافي=ونفسي احدها لو جات ندمانه
واسغفر الله من ذنبي والاسرافي=واحب فعل الجميل وخوض ميدانه