راكب اللي لا مشى راسك يصيبه رجه=جيب شاصي في دروبك تدوخك بيبانه
وان مشى وسط الصحاري يكتمك بالعجه=من غباره كنك الشمامة الخربانه
الله الله في صباحك مع طريقك سجه=خل حوضه بالروي يا سايقه مليانه
لا توقف لين تاصل للحلال ونجه=وانت ذخرٍ للغنم ليمن ثغت عطشانه
اسقها الماء واحتلبها ثم هيت موجه=العرب للحلبه اللي جبتها ولهانه
ودها تشرب حليب وما بقى ما تمجه=فيه سمن وفيه اقطٍ تنتج من البانه
ودام معك الشاصي لا عذرٍ ولا لك حجه=وارد اليابان لو خرده عظيمٍ شانه