[سيد الحرف]

	فقدتك يوم خليت الديار وجيت من مكه=وطرتي من يديني واحسب انك وسط قبضتها وقبل ما افارق البيت الحرام وامسك السكه=شبك روحي حنين لك بغيت اموت حزتها رجعت اطوف سبع اشواط واسال ربي الفكه=من طيوف تباريني تعنيني بمودتها واشوف الناس من حولي مرتاعه ومرتبكه=وروحي تايهه مني غزالي وين ودتها يزيد الآه فوق القلب من تكه ورى تكه=ويزيد الدمع فوق الخد الى من خلت ضحكتها زمان لانفتح باب الخفوق اصيح به صكه=ولكن عاصفة حبك عماني جور عجتها بنيتي في تباريح الفؤاد و داخله دكه=وصرتي الآمر الناهي لوجداني وعزتها وقلت ان جاك عذال الهوى يا صاحبي ذكه=مصيره يهدم احلام تعبنا في بنايتها ولكن ما سمعتيني سمعتي العاذل وعكه=تغليتي تركتيني مع نفسي وشدتها هذا قصرك هذا بيتك يهدد هجرك بدكه=ياليتك ترحمين الروح تلبي اليوم حاجتها